બધાની નજર જેક્સ ઓડિઆર્ડની મ્યુઝિકલ ફિલ્મ એમિલિયા પેરઝ પર હતી, કારણ કે તેને 13 નોમિનેશન મળ્યાં હતાં. જોકે આ મ્યુઝિકલ ક્રાઇમ કોમેડી ફિલ્મને માત્ર બે એવોર્ડ મળ્યાં હતાં. ઝો સલદાનાને શ્રેષ્ઠ સહાયક અભિનેત્રીનો એવોર્ડ મળ્યો હતો અને આ ફિલ્મને શ્રેષ્ઠ મૂળ ગીતનો એવોર્ડ પણ મળ્યો હતો.

ઓસ્કાર શોર્ટલિસ્ટમાં સામેલ એકમાત્ર ભારતીય ફિલ્મ અનુજા હતી. આ ફિલ્મને શ્રેષ્ઠ લાઇવ એક્શન શોર્ટ ફિલ્મ માટે નોમિનેટ કરાઈ હતી. જોકે આ કેટેગરીમાં આઈ એમ નોટ રોબોટ ફિલ્મને એવોર્ડ મળતા ભારતને નિરાશા મળી હતી. “આઈ એમ નોટ એ રોબોટ” એ વિક્ટોરિયા વોર્મર્ડમ દ્વારા લખાયેલી અને દિગ્દર્શિત સાયન્સ ફિક્શન ફિલ્મ છે.એડમ જે ગ્રેવ્સ અને સુચિત્રા મટ્ટાઈ દ્વારા દિગ્દર્શિત “અનુજા” નવ વર્ષની અનુજાની કહાની છે. તેને તેની બહેન સાથે મળીને શિક્ષણ અને ફેક્ટરીના કામ વચ્ચે પસંદગી કરવાની છે, આ એક એવો  નિર્ણય છે, જે તેમના બંને ભવિષ્યને આકાર  આપે છે. તેમાં સજદા પઠાણ અને અનન્યા શાનભાગ અભિનેતા છે. “અનુજા”માં બે વખતના ઓસ્કાર વિજેતા નિર્માતા ગુનીત મોંગા અને અભિનેત્રી પ્રિયંકા ચોપરા જોનાસ એક્ઝિક્યુટિવ નિર્માતા તરીકે અને હોલીવુડ સ્ટાર-લેખક મિન્ડી કલિંગ નિર્માતા તરીકે છે.

કિયરન કલ્કિનને અ રિયલ પેઈન ફિલ્મમાં તેની ભૂમિકા માટે શ્રેષ્ઠ સહાયક અભિનેતાનો ઓસ્કાર મળ્યો હતો. એમિલિયા પેરેઝમાં તેના અભિનય માટે ઝો સાલ્ડાનાને શ્રેષ્ઠ સહાયક અભિનેત્રી તરીકે પસંદ કરાઈ હતી.

કોનન ઓ’બ્રાયને સંચાલિત કરેલા 97મા એકેડેમી એવોર્ડ્સમાં તાજેતરના લોસ એન્જલસ જંગલની આગના હીરો અને પીડિતોને શ્રદ્ધાંજલિ આપવામાં આવી હતી.આ શોની શરૂઆત વિકેડના ઓસ્કર-નોમિનેટેડ સ્ટાર્સ એરિયાના ગ્રાન્ડે અને સિન્થિયા એરિવોના પરફોર્મન્સથી થઈ હતી.